A data prevista era o vindeiro 11 de febreiro, pero a actual realidade sanitaria marcada pola covid-19 e as restricións das diferentes administracións para frear a súa expansión son as causas do aprazamento.
A Universidade de Santiago de Compostela e o grupo empresarial Aresa acordaron mudar a data da entrega do XXI Premio Aresa de Desenvolvemento Rural tras valorar a situación que se está a vivir respecto á covid-19, o incremento continuo de casos e as restricións de mobilidade anunciadas polas administracións competentes para lograr controlar a pandemia.
A Organización do Premio pospón por estes motivos o acto que estaba previsto para o día 11 de febreiro e anunciará, en canto sexa posible, a nova data e todos os detalles da súa celebración.
